ដោយសារតែចំនួនអ្នកដែលប្រើប្រាស់ Internet កាន់តែមានច្រើនឡើងៗនៅពេលបច្ចុប្បន្ន ធ្វើឱ្យការផ្សព្វផ្សាយតាមរយៈ Internet កាន់តែមានតម្រូវការខ្ពស់។ ដោយឡែក Graphic Design ក៏ជាផ្នែកសំខាន់មួយក្នុងការជួយឱ្យការធ្វើទីផ្សារឌីជីថលទទួលបានជោគជ័យផងដែរ។ ថ្ងៃនេះក្បឿងសូមបង្ហាញពីទួនាទីសំខាន់ៗរបស់ Graphic Design ដែលប្រើប្រាស់សម្រាប់ការងារ Digital Marketing។
១. ការរចនាម៉ាកយីហោ (Visual Identity)
Graphic Design ដើរតួយ៉ាងសំខាន់ក្នុងការបង្កើតអត្តសញ្ញាណអាជីវកម្មដែលយើងមើលឃើញមានដូចជា ឡូហ្គោ រូបភាព ពុម្ភអក្សរ និងពណ៌ ជាដើម ដែលតំណាងឱ្យអាជីវកម្ម ឬ Brand របស់អ្នក។ Visual Identity គឺជាធាតុសំខាន់មួយដែលជួយឱ្យ អតិថិជនមានការចងចាំ និងចាប់អារម្មទៅលើម៉ាកយីហោអាជីវកម្ម ហើយវាក៏ជាលក្ខណៈពិសេសដែលធ្វើឱ្យ Brand របស់អ្នកមានលក្ខណៈប្លែកពីគេផងដែរ។
រូបភាពពី Kbeung Studio
២. ការរចនាផ្ទៃខាងមុខនៃគេហទំព័រ ឬកម្មវិធីទូរស័ព្ទ (User Interface)
User Interface ឬ UI នៅក្នុងការធ្វើទីផ្សារឌីជីថលភាគច្រើនគេសំដៅទៅលើ ការរចនាផ្ទៃខាងមុខនៃគេហទំព័រ (Website) ឬកម្មវិធីទូរស័ព្ទ (Mobile App) ជាដើម ដោយធ្វើយ៉ាងណាឱ្យមានលក្ខណៈស្រស់ស្អាត ទាក់ទាញ និងងាយស្រួលប្រើប្រាស់។ ការរចនា ផ្ទៃខាងមុខ (User Interface) ដែលល្អនឹងជួយទាក់ទាញចំណាប់អារម្មណ៍ដំបូងរបស់អតិថិជននៅមុនពេលពួកគាត់សម្រេចចិត្តចូលប្រើប្រាស់ ឬទិញផលិតផលរបស់អ្នក។
រូបភាពពី Kbeung Studio
៣. ជួយបង្កើតរូបភាពផ្សព្វផ្សាយដែលស្រស់ស្អាត និងទាក់ទាញ
Graphic Design មានតួនាទីបង្កើតរូបភាពផ្សព្វផ្សាយដែលស្រស់ស្អាត និងទាក់ទាញដើម្បីទទួលបានការចាប់អារម្មណ៍ពីអតិថិជន។ ជាការពិតណាស់រូបភាព (Poster) គឺជារបស់ដំបូងដែលទាក់ចិត្តអតិថិជនឱ្យទៅមើលអត្ថបទ ឬអ្វីផ្សេងទៀតដែលអ្នកបានបង្ហាញ ដូចនេះរូបភាពដែលស្រស់ស្អាត នឹងធ្វើឱ្យអតិថិជនចង់ស្វែងយល់បន្ថែមអំពីផលិតផល ឬសេវាកម្មរបស់អ្នក។
រូបភាពពី Kbeung Studio
៤. ជួយបកប្រែគំនិត និងដឹកនាំសារទៅកាន់អតិថិជន
Graphic Design ជួយបំប្លែងអត្ថបទ ឬគំនិតរបស់អ្នកទីផ្សារ ទៅជារូបភាព មានបង្កប់អត្ថន័យ ឬព័ត៌មានផ្សេងៗដែលធ្វើឱ្យអតិថិជនងាយស្រួលយល់ និងដឹងពីអ្វីដែលអ្នកចង់បង្ហាញទៅកាន់ពួកគេ។ ឧទាហរណ៍: ការធ្វើបទបង្ហាញដែលមានបន្ថែមរូបភាព នឹងធ្វើឱ្យទស្សនិកជនងាយស្រួលយល់ជាង ការធ្វើបទបង្ហាញដែលមានតែអក្សរ ឬការនិយាយ។
រូបភាពពី Kbeung Studio
